Төр хувийн хэвшлийн түншлэлээр төсөл хэрэгжүүлэх тухай

НИЙСЛЭЛИЙН
ИРГЭДИЙН ТӨЛӨӨЛӨГЧДИЙН ХУРЛЫН

ТЭРГҮҮЛЭГЧДИЙН ТОГТООЛ
 

2020 оны 09 сарын 03                          Дугаар 143                 Улаанбаатар хот
 

Төр хувийн хэвшлийн түншлэлээр төсөл
хэрэгжүүлэх тухай
 

 
          Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 20 дугаар зүйлийн 20.1.7 дахь заалт, 25 дугаар зүйлийн 25.1 дэх хэсэг, Нийслэлийн эрх зүйн байдлын тухай хуулийн 8 дугаар зүйлийн 8.1.1 дэх заалт, Улсын Их хурлын 2013 оны 23 дугаар тогтоолоор батлагдсан “Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 он хүртэлх хөгжлийн баримт бичиг”, Нийслэлийн иргэдийн Төлөөлөгчдийн Хурлын 2015 оны 26/09 дүгээр тогтоолыг тус тус үндэслэн Нийслэлийн иргэдийн Төлөөлөгчдийн Хурлын Тэргүүлэгчдээс ТОГТООХ нь:
 
          1.Нийслэлийн иргэдийн Төлөөлөгчдийн Хурлын Тэргүүлэгчдийн 2020 оны 10 дугаар тогтоолоор батлагдсан “Төр, хувийн хэвшлийн түншлэлээр Нийслэлд төсөл, хөтөлбөр хэрэгжүүлэх журам”-ын дагуу хувийн хэвшлийн хөрөнгө оруулалтаар төр, хувийн хэвшлийн түншлэлийн хүрээнд Улаанбаатар хотын агаарын бохирдлыг бууруулах зорилгоор “Шингэрүүлсэн шатдаг хийг аж ахуйн нэгж, байгууллагын халаалтад нэвтрүүлэх” төслийн хэрэгжилтэд дэмжлэг үзүүлж ажиллахыг Нийслэлийн Засаг даргын Хөгжлийн бодлогын асуудал хариуцсан нэгдүгээр орлогч  /Ж.Батбаясгалан/-д үүрэг болгосугай.
 
          2.Дээрх төслийг нээлттэй сонгон шалгаруулах замаар хувийн хэвшлийн хөрөнгө оруулалтаар холбогдох хууль журмын дагуу зохион байгуулж хэрэгжүүлэхийг “Улаанбаатар хотын хөгжлийн корпораци” ХК /Б.Мэндсайхан/-д үүрэг болгосугай.
 
          3.Тогтоолын хэрэгжилтэд хяналт тавьж ажиллахыг Нийслэлийн иргэдийн Төлөөлөгчдийн Хурлын Тэргүүлэгчдийн нарийн бичгийн дарга бөгөөд Ажлын албаны дарга /Б.Батбямба/-д даалгасугай.
 
 
 
 
 
 

ДАРГА                                                 Р.ДАГВА